Ҡышты нисек үткәрербеҙ?

– Уҙған йылытыу миҙгеле планға ярашлы үтте. Бөтә эштәр ҙә ваҡытында башҡарылды. Бер ниндәй ҙә ғәҙәттән тыш хәлдәр булманы. Шуға күрә беҙ уны уңышлы үтте тип әйтә алабыҙ.

– Ә быйыл әҙерлек нисек бара?

– “Тепловик” йәмғиәте ике ҡаҙанлыҡты хеҙмәтләндерә. Бөгөнгә уларҙы ҡышҡы осорға әҙерләү буйынса эштәр 90 процентҡа үтәлгән. Насостарға һәм келәле арматураларға ревизия уҙғарылды, бынан тыш ҡаҙандар ремонтланды һәм йыу- ҙырылды, шулай уҡ уларға преслау үткәрелде.

Капиталь ремонт һәм финанс сығымдарҙы талап иткән участкалар ҙа бар, әлбиттә. Был мәсьәлә район хакимиәте менән берлектә хәл ителә.

– Ҡайһы бер күп фатирлы йорттарҙы айырым йылытыу системаһына күсергәндән һуң эш күләме үҙгәрҙеме?

– Үҙәк теплотрассанан Ленин һәм Тракт урамдарында урынлашҡан күп фатирлы йорттар айырылды. Быйылдан улар айырым йылытыу системаһына күсә. Шуға күрә теплотрасса ҡыҫҡарҙы. Бөгөн улар- ҙа гидравлик һынауҙар һәм ремонт эштәре бара.

– Йылытыу селтәрҙәрен хеҙмәтләндереүгә бәйле ниндәй проблемалар тыуа?

– Төп мәсьәләләрҙең береһе булды һәм булып ҡала – ул ҡулланған йылы өсөн бурыс-тар. Уларҙың суммаһы ҙур. Был аҡсаларҙы ремонт эштәренә йүнәлтергә булыр ине. Финанс средстволарҙан башҡа күп эштәр ваҡытында үтәлмәй ҡала. Шуға күрә халыҡҡа ҙур үтенес: яңы йылытыу миҙгеленә әҙерлек һөҙөмтәлерәк үтһен өсөн күрһәтелгән хеҙмәттәр өсөн ваҡытында түләгеҙ.

Шундай хәлдәр булыуға ҡарамаҫтан, беҙ бөтә кәрәкле эш күләмен үтәргә һәм уларҙы йылытыу миҙгеле башланғанға – 15 сентябргә тиклем тамамларға тырышасаҡбыҙ.

Нәркәс ХӘЛИУЛЛИНА әңгәмәләште.