Районда юлдарҙы ремонтлау дауам итә

Башҡортостан Республикаһының Юл хужалығы идаралығы заказы буйынса Мәсетле юл ремонт-төҙөлөш идаралығы Оло Ыҡтамаҡ ауылының Салауат Юлаев урамында – “Миләш” балалар баҡсаһынан алып “Һунарсылар йорто”на тиклемге юлдың туҙған ҡатламын тергеҙә башланы. Уның оҙонлоғо – 550 м.

Күптән түгел Оло Ыҡтамаҡҡа Сал-йоғот ауылы яғынан килеү юлын ремонтлауҙың икенсе этабы тамамланды. Былтыр был эштең беренсе этабы башҡарылғайны. Ул саҡта юл ремонт-төҙөлөш идаралығы хеҙмәткәрҙәре тарафынан 1700 метр юлға тигеҙләүсе ҡатлам һәм 300 метрҙа асфальт һалынғайны. Икенсе этап 1400 метрҙа асфальт түшәмәһе һалыуҙы үҙ эсенә ала.

Эштәр Башҡортостан Республикаһы бюджеты иҫәбенә башҡарылды.