Проект 2019 йылда старт алды, ошо ваҡыт эсендә Мәсетле районында бер нисә йәмәғәт территорияһы һәм урамдар төҙөкләндерелде. Яңы парк, спорт һәм балалар майҙансығы барлыҡҡа килде, урамдар яңырҙы.
Иҫегеҙгә төшөрәбеҙ: быйыл беҙҙең район халҡына дүрт әһәмиәтле проект өсөн тауыш биреү тәҡдим ителә:
– Оло Ыҡтамаҡ ауылының Ленин урамындағы үҙәк майҙан;
– Оло Ыҡтамаҡ ауылы “Көньяк” микрорайонындағы мәҙәниәт һәм ял паркы (автомайҙансыҡ);
– Әләгәҙ ауылында универсаль спорт майҙансығы;
– Яңы Мөслим ауылында мәҙәниәт һәм ял паркы.
Еңеүсе проекттар 2023 йылда тормошҡа ашырыла. Район үҙәген төҙөкләндереү өсөн тауыш биреүҙә 30 майға тиклем 3700 кешенең ҡатнашыуы мөһим. /02.gorodsreda.ru/ порталы аша йәиһә Йәштәр үҙәгендәге ирекмәндәр ярҙамында тауыш бирергә була.
Бөтә мәсетлеләрҙе әүҙемлек күрһәтергә һәм тауыш биреүҙә ҡатнашырға саҡырабыҙ.