Майҙың һуңғы ун көнөндә республикала һауа температураһы норманан 4° түбәнерәк була

«Быйылғы май республика халҡын йылы һауа торошо менән ҡыуандырмай. Уҙған осорҙа республикала һауа температураһының ныҡ түбәнәйеүе күҙәтелде. Айҙың икенсе декадаһында аномаль һауа температураһы 4-5° етте. Рәсәйҙең Гидрометеорология үҙәге фаразынса, майҙың һуңғы декадаһында һалҡын һауа торошо һаҡлана, уртаса температура норманан 4° түбән була. Көндәр бер аҙ йылы торғандан һуң һауа температураһы йәнә түбәнәйә. Аҙна аҙағында төндә күпселек райондарҙа һауала һәм тупраҡ өҫтөндә -1, -6 градусҡаса һалҡынайтып, ҡырау төшөүе көтөлә, көндөҙ +10, +16°. Урыны менән бер аҙ ямғыр яуыуы ихтимал», —  тип хәбәр ителә Башгидромет сайтында.

Алдағы ял көндәрендә республикала йылы булыуы көтөлә.

Фото