Мәсетле тормошо
+9 °С
Болотло
Бөтә яңылыҡтар
Тәбиғәт һәм беҙ
3 Март 2021, 17:00

Иммунитет көслө булһын өсөн

Эпидемия ваҡытында сәләмәтлекте нығытыу мөһим. Шуға күрә тәү сиратта туҡланыу рационына иғтибарҙы күберәк бүлергә һәм уға файҙалы ашамлыҡтар менән эсемлектәрҙе индерергә кәрәк.

Тап шундайҙарҙың береһе – эхинацея нигеҙендә әҙерләнгән сәй. Белгестәр белдереүенсә, бындай сәй иммун системаһын нығытып ҡына ҡалмай, яман шеш күҙәнәктәренең үҫешен дә кәметә.

Был үләндең тыуған иле – Төньяҡ Америка. Уны, нигеҙҙә, төрлө экстракттарға, төнәтмәләргә һәм дарыу төймәләренә ҡушалар. Ғалимдар иҫбатлауынса, эхинацея вируслы һәм инфекция сирҙәренә ҡаршы көрәштә ярҙам итә. Уны йыш ҡына киҙеү кеүек ауырыуҙарҙан дауаланыу өсөн файҙаланалар.

Бынан тыш, үҫемлек составында хикор кислотаһы бар. Ул иһә ашҡаҙан аҫты биҙендәге һәм эсәктәрҙәге яман шеш күҙәнәктәрен юҡ итергә ярҙам итә, тиҙәр. Белгестәр фекеренсә, эхинацеянан әҙерләнгән сәй ҡандағы шәкәрҙе кәметә, шуға ул II типтағы шәкәр диабеты менән сирләгән кешеләргә ҡулланырға кәңәш ителә.
Автор: Айһылыу НИЗАМОВА