Инсульттан, яман шештән...

Лимон ғүмерҙе оҙайтыуға булышлыҡ итә, тигән фекерҙә улар. Ундағы С витамины, фолий кислотаһы һәм күҙәнәкле туҡыма ҡандағы “насар” холестерин кимәлен күпкә кәметә. Шулай итеп, йөрәк-ҡан тамырҙары сирҙәрен, шул иҫәптән инсультты ла иҫкәртә.

Лимонда яман шешкә ҡаршы элементтар ҙа бар, тип иҫәпләй белгестәр. Ундағы флавонолдар был сир күҙәнәктәре үҫешен кәметә. Өҫтәүенә, был емеште даими ашау организмда елһенеү процестарын барлыҡҡа килтергән ҡайһы бер сирҙәрҙән ҡотолорға ярҙам итә. Шулай уҡ ул тештәрҙе, теш ҡаҙнаһын зыянлы бактерия­ларҙан һаҡлай. Белгестәр йәнә көн һайын бер стакан лимонлы һыу эсеү тән ауырлығын кәметергә булышлыҡ итә тигән фекерҙә.