+12 °С
Облачно
Тәбиғәт һәм беҙ
1 Сентября 2020, 12:00
Киләһе миҙгелгә әҙерлек башлайыҡ
Йыл һайын яҙғыһын ҙур амбар дәфтәренә баҡсамдың схемаһын һыҙып, ҡайҙа нимә ултыртҡанымды яҙып барам.
Сәсеү әйләнешен теүәл күҙәткәндә, көҙгө уңыш та мулыраҡ буласаҡ, үҫемлектәр ҙә ауырыуҙарға бирешмәйәсәк, ерҙең уңдырышлығын да күтәрергә мөмкин. Бер урында йылдар дауамында бер үк культураны ултыртыу ерҙә ауырыуҙарҙың тупланыуына, ерҙең ярлыланыуына килтерә. Ә культураларҙы алмаштырып, алдан күҙҙаллаған хәлдә йыл да һау еләк-емеш, йәшелсәнең мул уңышын алырға була. Бынан тыш, сәсеү алмашыныуын алдан күҙаллау күпме орлоҡ һатып алырға, күпме үҫенте ултыртырға кәрәклеген алдан фаразларға мөмкинлек бирә. Был хаҡта Рәсәй ауыл хужалығы үҙәгенең Ҡырмыҫҡалы районы буйынса агрономы Айһылыу Камалетдинов ентекләберәк һөйләй:
Иң мөһиме үҫемлектәрҙе 3 – 4 йыл дауамында кире үҫкән урынына ҡайтармауҙы күҙ уңында тоторға кәрәк ти Айһылыу. Бындай дәфтәр күҙәтеү алып барыу өсөн дә файҙалы. Ҡасан нимә сәселгән, ниндәй ашламалар индерелгән, күпме уңыш алынған. Быларҙың барыһы ла баҡсасы өсөн бик мөһим!
Орлоҡтарға, ашламаға сарыф ителгән сығымдарҙы ла иҫәпләп барһағыҙ, һуңынан баҡсаның нисә һумға төшөүен иҫәпләүе ҡыҙығыраҡ буласаҡ!
фото: stroy-podskazka.ru
Автор: Лилия Нуретдинова
