Мәсетле тормошо
+29 °С
Болотло
Бөтә яңылыҡтар
Тәбиғәт һәм беҙ
4 Октябрь 2018, 16:04

Магнит дауылдары көндәре

Октябрҙә магнит дауылдары әллә ни көслө булмаясаҡ. Айҙың башында ла, уртаһында ла ҡояштың сиктән тыш әүҙемлеге күҙәтелмәйәсәк.

Бары тик айҙың икенсе яртыһында – 29-30-ҙарында ғына көсһөҙ генә магнит дауылдары буласаҡ (булыу ихтималлығы 10%), әммә кешеләрҙең күпселеге уны һиҙмәйәсәк. Бары тик айырыуса һиҙгер кешеләр генә бер аҙ ауырыҡһынып торасаҡ. Белгестәр мәғлүмәттәре буйынса, геомагнит хәл-торош йәһәтенән октябрь тотош 2018 йыл дауамында иң тыныс осор буласаҡ.

Октябрҙә магнит дауылдары буйынса фараз көслө тирбәлеш вәғәҙә итмәһә лә, медиктарҙың ҡайһы бер кәңәштәрен тоторға кәрәк:

– ҡояш әүҙемлеге ваҡытында депрессияларға әүәҫ булған яҡын кешеләрегеҙгә айырыуса иғтибар күрһәтергә кәрәк;

– артериаль ҡан баҫымы юғары булған һәм ҡан баҫымы һикереүҙән яфаланған кешеләргә был уңайһыҙ көндәрҙә тонометр күрһәткестәрен икеләтә күҙәтергә кәңәш ителә;

– ҡан ҡуйырыуын булдырмаҫ өсөн күп һыу эсергә, үҙеңде насар тойғанда медиктар 2 төймә аспирин эсергә кәңәш итә, ул ҡанды шыйыҡлата;

– даими рәүештә стрестарға дусар ителеүсе кешеләргә үләндән яһалған тынысландырыусы препараттар (арыҫлан ҡойроғо – пустырник, мелисса йәки бесәй үләне – валериана төнәтмәһе) эсергә кәңәш ителә.

Ҡояш әүҙемлеге осоронда организмға көс төшөрмәү өсөн сәләмәт йәшәү рәүеше алып барырға кәрәк.

(Асыҡ сығанаҡтарҙан алынды).