Норматив тапшырҙылар

Егет һәм ҡыҙҙарҙы район хакимиәте башлығының социаль мәсьәләләр буйынса урынбаҫары Альберт Сәғҙәтов, район хакимиәтенең физик культура һәм спорт буйынса баш белгесе Марат Ханнанов, Балалар-үҫмерҙәр спорт мәктәбе директоры Фәнил Денисламов сәләмләне.
Бәйгеселәр үҙ көсөн түбәндәге нормативтарҙа һынаны: ятҡан килеш ҡулдарҙа күтәрелеү, бейек турникта күтәрелеү, түбән эскәмйәлә күтәрелеү, гимнастик эскәмйәлә тороп алға эйелеү, ике аяҡ менән этәрелеп урындан оҙонлоҡҡа һикереү.
Иҫегеҙгә төшөрәбеҙ: һәр кем нормативтарҙы тапшырыуҙа ҡатнаша ала, бының өсөн www.gto.ru Бөтә Рәсәй интернет-порталында теркәлергә һәм тейешле номер алырға, артабан муниципаль тест үткәреү үҙәгенә ғариза бирергә һәм табиптан рөхсәт алырға кәрәк.
Лилиә СОЛТАНОВА.