Хоккей сезоны ябылды

Яҙ – ҡышҡы күңел асыу саралары менән киләһе миҙгелгә тиклем хушлашыу ваҡыты.

Йонос ауылы боҙ майҙансығында хоккей миҙгелен яптылар. Турнирҙа биш команда ҡатнашты. Улар кесе һәм өлкән төркөмгә бүленгәйне.

Оло Ыҡтамаҡ ауылынан йәш хоккейсылар йоностарҙы 2:0 һәм Яңы Мишәр менән Дыуан-Мәсетле ауылдарының йыйылма командаһын 4:0 иҫәбе менән еңде. Шулай итеп, иң күп мәрәй йыйып, улар кесе төркөмдә еңеүселәр булды. Икенсе һәм өсөнсө урын өсөн уйын 4:2 иҫәбе менән йоностар файҙаһына тамамланды.

Өлкән төркөмдә Йонос ауылының “Сапсан” хоккейсылар командаһы, Оло Ыҡтамаҡ ауылының “Ыласын” командаһы спортсыларына бер ниндәй ҙә мөмкинлек ҡалдырмайынса, уларҙы 7:3 иҫәбе менән еңде.

Командаларға кубоктар, грамоталар һәм приздар тапшырылды. Турнирҙың бағыусыһы – “Монолит” сауҙа йорто.

Хоккейсыларҙың тағы ла бер уңышын билдәләп үтмәү мөмкин түгел. Сос-тавына “Сапсан” һәм “Ыласын” командалары уйынсылары ингән район йыйылма командаһы шайбалы хоккей буйынса Башҡортостан Республикаһы беренселегендә төньяҡ-көнсығыш райондары командалары араһында икенсе урын алды. Районда әлеге спорт төрөнөң йылдан-йыл үҫешә генә барыуы, боҙ май- ҙансыҡтары барлыҡҡа килеүе һәм яңы командалар төҙөлөүе ҡыуандыра.