Башҡортостан Башлығы Дуҫлыҡ монументына сәскәләр һалды

Тантанала Башҡортостан Башлығы Радий Хәбиров ҡатнашты. Республиканың күп милләтле халҡы исеменән ул 1612 йылдың 4 ноябрендә халыҡ ғәскәренең Рәсәй дәүләтен интервенттарҙан азат иткән ваҡиғаларҙы иҫкә төшөрҙө. Рәсәй һәм Башҡортостан гимндары яңғыраны, абруйлы ҡунаҡтар сәскәләр һалды.

Хәтерегеҙгә төшөрәбеҙ, Дуҫлыҡ монументы 1957 йылда — Башҡортостандың үҙ ирке менән Рәсәй составына инеүенә 400 йыл тулыу айҡанлы төҙөлгән. Бөгөн мемориал республикала йәшәгән барлыҡ милләттәрҙең берҙәмлеге символы булып тора.

Һәйкәл авторҙары — Мәскәү скульпторҙары Михаил Бабурин һәм Галина Левицкая, архитекторҙар Евгений Кутырев һәм Геннадий Гаврилов.  

Монументҡа «1557-1957» һәм «Рус һәм башҡорт халыҡтарының бөйөк дуҫлығына дан» тигән һүҙҙәр уйып яҙылған. Һәйкәлдең бейеклеге — 35 метр.

Фото:Олег Яровиков

Автор:Азат Ғиззәтуллин

Источник: https://bash.bashinform.ru/news/politics/2024-11-02/bash-ortostan-bashly-y-du-ly-monumentyna-s-sk-l-r-aldy-3994164