Дәүләт Думаһы бала тыуыуға һәм уны тәрбиәләүгә бәйле берҙәм пособие тураһында закон ҡабул итте

2023 йылдың 1 ғинуарынан балалы ғаиләләр өсөн пособиелар бала тыуыуға һәм уны тәрбиәләүгә бәйле яңы айлыҡ пособие менән алмаштырыла. Рәсәйҙең Дәүләт Думаһы тейешле закон проектын ҡабул итте.

Пособие төрлө түләүҙәрҙе берләштерә: йөклөлөктөң беренсе аҙналарында иҫәпкә торған ҡатын-ҡыҙҙарға; баланы йәш ярымға тиклем тәрбиәләүгә; беренсе балаға (бөтә төбәктәрҙә лә бирелә); өсөнсө балаға (78 төбәктә генә һәм төрлө ҡағиҙәләр буйынса бирелә); 3 йәштән 8 йәшкә тиклемге балаларға (социаль яҡлау органдары түләй); 8 йәштән алып 17 йәшкә хәтлемге балаларға (Пенсия фонды түләй).

2022 йылдың 31 декабренә тиклем тыуған бала өсөн пособиены ғаилә элекке йәки яңы ҡағиҙәләр буйынса алырға мөмкин.

Источник: https://bash.bashinform.ru/news/politics/2022-11-16/d-l-t-duma-y-bala-tyuyu-a-m-uny-t-rbi-l-g-b-yle-ber-m-posobie-tura-ynda-zakon-abul-itte-3031627