Республикала йәшәүселәр нимә менән сирләй? 2019 йылдағы диспансеризация йомғаҡтары

Оло йәштәгеләрҙән бөтәһе 765 163 кеше диспансеризацияның беренсе этабын үтте.

Һөҙөмтәләр буйынса 78 509 ауырыу осрағы асыҡланды. Шуларҙан тәүге урында — ҡан әйләнеше сирҙәре (21,5 мең осраҡ), икенсе урында – эндокрин системаһы ауырыуҙары (15 меңдән ашыу осраҡ), өсөнсөлә – нервы системаһы сирҙәре (6,8 мең осраҡ).

Пациенттарҙа тәүгә 18 туберкулез, 593 яман шеш, 1 496 шәкәр диабеты, 12 750 юғары ҡан баҫымына бәйле ауырыу, 1 757 йөрәктең ишемия сире осрағы асыҡланды.