Тауарҙар өйгә алып барыла

Бындай хеҙмәтте Алмаз Мәүләүи улы менән Анфиса Нәсибулла ҡыҙы шунда уҡ күрһәтә башлаған тиерлек.
– Ирем клиенттарҙы магазинда хеҙмәтләндерә, – ти Анфиса Зиялетдинова, – ә мин аҙнаһына ике тапҡыр тауарҙарҙы адрестар буйынса таратып сығам. Транспорт хеҙмәтенән, нигеҙҙә, пенсионерҙар файҙалана. Ғәҙәттә, ул – икмәк, һөт, сәй, кәнфит һәм кондитер изделиелары кеүек туҡланыу продукттары. Әммә йыш ҡына кейем һәм хужалыҡ кәрәк-яраҡтары килтереүҙе үтенәләр. Транспорт сығымдары өсөн алмайбыҙ, хаҡтар магазиндағы кеүек үк.
Өйҙәрҙе йөрөп сығыуға тотош бер көн китә. Ошо йылдар эсендә Зиялетдиновтар-ҙың автомобиленең расписание буйынса ғәҙәти маршрутына сыҡмай ҡалғаны булмаған. Бындай сервис халыҡтың күңеленә хуш килә. Һорау бар икән, тимәк, тәҡдим һәр ваҡыт буласаҡ.