Һынау рәүешендә халыҡ иҫәбе алынасаҡ

Ошо ваҡиға алдынан 2018 йылдың октябрендә һынау рәүешендә халыҡ иҫәбе алыу ойошторола. Ул 560 мең кешегә ҡағыласаҡ. Бындай иҫәп алыуҙар электән үк үткәрелеп килә.

2018 йылғы һынау рәүешендә халыҡ иҫәбе алыуҙың төп маҡсаты 2020 йылғы Бөтә Рәсәй халыҡ иҫәбе алыуҙа халыҡ тураһында мәғлүмәт йыйыу һәм уға йомғаҡ яһауҙың методологик, ойоштороу һәм технологик яҡтарын эшкәртеү. Ул беҙгә иҫәп алыу уҙғарыуҙың яңы технологияларын һынап ҡарау өсөн уникаль мөмкинлек бирә.

2018 йылғы һынап ҡарау өсөн иҫәп алыу октябрь дауамында ике этапта үтәсәк. Тәүгеһе – Бөтә Рәсәй, икенсеһе – локаль. Һуңғыһы Рәсәй Федерацияһының 9 төбәгендә 10 районға ҡағыла.

1 октябрҙән 10-ына тиклем Дәүләт хеҙмәттәре берҙәм порталында теркәлгән һәр рәсәйле үҙе һәм уның менән бергә йәшәгән башҡалар өсөн электрон иҫәп алыу ҡағыҙҙарын тултырып, үҙ аллы иҫәпкә инә ала.

Рәсәй өсөн әле яңылыҡ булып торған электрон рәүештә иҫәп алыуҙа үҙҙәрен индерергә теләгән, әммә әлегә Дәүләт хеҙмәттәре берҙәм порталында теркәлмәгәндәргә, унда теркәлеү тураһында алдан хәстәрлек күрергә кәрәк.

Һынау рәүешендә үткәрелгән иҫәп алыу йомғаҡтары буйынса халыҡ тураһында мәғлүмәт йыйыуҙың яңы ысулдарын индереүҙе иҫәпкә алып, 2020 йыл-ғы Бөтә Рәсәй халыҡ иҫәбе алыуға бюджет сығымдарын оптималләштереү буйынса мөмкинлектәр ҡараласаҡ.

Дәүләт статистикаһы федераль хеҙмәте етәксеһе Александр Суринов билдәләүенсә, халыҡтың иҫәп алыуҙа интернет аша ҡатнашыуы донъя статистикаһында алдынғы тенденцияларҙың береһе булып тора. 2020 йылда халыҡ иҫәбе алыуҙа Берләшкән милләттәр ойошмаһына ингән 33 ил интернетты файҙаланырға йыйына. Һынау рәүешендә интернет аша халыҡ иҫәбе алыу, уның уҙасаҡ территориялары, үткәреү ваҡыты һәм тәртибе тураһында www.ppn2018ru мәғлүмәт сайтында белергә мөмкин.

Дәүләт статистикаһы федераль хеҙмәтенең