Ни өсөн сүп-сар сығарылмай

Беҙ 8-800-347-80-03 телефоны буйынса Өфө ҡалаһының “Ҡаланы йыйыштырыу буйынса махсус автохужалыҡ” региональ операторы Ҡыҙыу линияһына мөрәжәғәт иттек. Хеҙмәткәр беҙгә Мәсетле районында “Таҙа ҡала” субподрядсыһы менән сүп-сар йыйыу һәм сығарыу буйынса хеҙмәтләндереү килешеүенең өҙөлөү этабында булыуын аңлатты. Хәҙер Мәсетле районында хәлде контролдә тотоу маҡсатынан Өфө ҡалаһынан “Ҡаланы йыйыштырыу буйынса махсус автохужалыҡ” белгесе килгән. Контейнер майҙансыҡтарында тупланған сүп-сар яҡын арала сығарыласаҡ, тинеләр. Әлеге ваҡытта подряд ойошмаһы яңы субподрядсы яллау буйынса эш алып бара.
Диана АБДРАХМАНОВА.