Мәсетле тормошо
+19 °С
Болотло
Бөтә яңылыҡтар
Һорау – яуап
28 Июль 2020, 14:00

Йәшендән һаҡлармы?

“Тәбиғәтте алдан күҙаллап булмай. Әле генә эҫе ҡурып алып барһа, ҡапыл ғына күкрәп, йәшенләп боҙ-борсаҡ яуып үтергә лә мөмкин. Уҙған аҙнала электр бағанаһын йәшен атҡас, ғаиләбеҙ менән йортта йәшен ҡайтарғыс ҡуйыу хаҡында уйлаштыҡ.Йәшен ҡайтарғыс, киреһенсә, йәшенде үҙенә тарта, ти таныштарыбыҙ. Уны ҡуйыуҙан файҙа булырмы, беҙҙе тәбиғәт афәтенән һаҡлармы?”Регина, Оло Ыҡтамаҡ ауылы.

Был һорауға Мәсетле районы хакимиәтенең граждандар оборонаһы һәм ғәҙәттән тыш хәлдәр буйынса баш белгесе Ринат Кәримов яуап бирә:
– Район буйынса һәр электр бағанаһына, дәүләт стандарттарына (ГОСТ) ярашлы, йәшен ҡайтарғыс ҡуйылған, шуның өсөн өҫтәмә йәшен ҡайтарғыс ҡуйыу кәрәге юҡ.
Әгәр ҙә һеҙ һаҡланырға ҡарар итһәгеҙ, бөтөн талаптар-ға, дәүләт стандарттарына тура килтереп эшләргә кәрәк. Шарттарға яуап бирмәһә, ул йәшенде үҙенә тартып торасаҡ.
Бындай эште башҡарырға белгестәрҙе саҡырыу мотлаҡ.