-6 °С
Болотло
Бөтә яңылыҡтар
Һорау – яуап
14 Август 2019, 18:00
Юлдар һәм автобустар
Яңы Мишәр ауыл биләмәһендә йәшәүсе социаль селтәрҙәр аша Оло Ыҡтамаҡ – Айып – Әбдрәхим – Йонос – Тайыш – Яңы Мишәр юлында ҡасан асфальт буласағы менән ҡыҙыҡһына. “Ә ни өсөн халыҡты ташыу менән муниципаль автобус түгел, ә шәхси кешеләр шөғөлләнә?” – ти ул.
Мәсетле районы хакимиәте башлығы Әнис Әсәҙуллин яуап бирә:
“Оло Ыҡтамаҡ – Йонос – Йосоп – Дүшәмбикә юлы – муниципаль-ара әһәмиәттәге юл. Уны хеҙмәтләндереү менән “Башкир- автодор” АЙ-һының Мәсетле филиалы шөғөлләнә. Улар автогрейдер менән автомобиль юлына дөрөҫ рәүеш бирә һәм планлаштыра. 24 июлгә юл ҡатламының торошо ҡәнәғәтләнерлек. Үкенескә күрә, был юлға асфальт түшәү әлегә планда юҡ. Быйылға ремонтланыусы юлдар исемлеге төҙөлгән: https://mechetlybashkortostan.ru/documents/plans/232196/. Ә әлеге юлды 2020 йылға индереү тураһында заявканы беҙ Башҡортостан Республикаһының Транспорт һәм юл хужалығы буйынса дәүләт комитетына ебәрҙек.
Автобусҡа бәйле икенсе һорауға яуап: муниципаль маршруттар буйынса пассажир ташыусылар асыҡ конкурс йомғаҡтары буйынса билдәләнә.
Район хакимиәте конкурс документацияһын һәм еңеүселәрҙе билдәләү тәртибен әҙерләй. Конкурс йомғаҡтары буйынса 2018 йылда Оло Ыҡтамаҡ – Яңы Мишәр маршруты буйынса “Уфа-ЛАЙН компанияһы” ЯСЙ-һы еңеүсе тип билдәләнгәйне, уға 5 йылға таныҡлыҡ һәм маршрут картаһы бирелгән. Киләһе конкурс 2022 йылда уҙғарыласаҡ”.
Агентство по печати и средствам массовой информации Республики Башкортостан.
Баш мөхәррир Э. Ф. БАҺАУЕТДИНОВА
Телефон
8(34770)2-00-05; 8(34770)2-00-32.
Электрон почта