Мәсетле тормошо
+14 °С
Болотло
Бөтә яңылыҡтар
Һорау – яуап
28 Май 2019, 14:05

Күсерергә мөмкинме?

“Шәмбе көндәрендә Оло Ыҡтамаҡ ауылының үҙәк урамдары (Совет урамынан Тракт урамына тиклем) күп һанлы сауҙа палаткалары менән тула. Шул сәбәпле автовокзалға тиклем транспорт менән үтеүе мөмкин түгел. Шәмбе йәрминкәһен элекке универмаг артында урынлашҡан баҙар йортона күсереп булмаймы? Ул бит йыл әйләнәһенә тиерлек буш тора”. Р. Асҡаров, З. Ғилманшин.

Гәзит уҡыусыларыбыҙ һорауына йәрминкәне ойоштороусы Фларида Әхмәт- йәнова яуап бирә:

– Шәмбе йәрминкәһен элекке универмаг артындағы баҙар территорияһына күсереү мөмкин түгел. Сәбәбе – урыны бик бәләкәй. Үтеп йөрөүсе машиналарға килгәндә инде, үҙәк майҙан территорияһына юл хәрәкәте ҡағиҙәләре буйынса транспорт менән инеү тыйыла. Тик был ҡағиҙәләрҙе үтәмәгән водителдәр ҙә бар. Баҙар етәкселеге мөмкин булғанса ҡағиҙәләрҙең үтәлеүен күҙәтә, ләкин бында хәл иткес ролде водителдәрҙең намыҫлылығы уйнай. Үҙегеҙҙе һәм йәйәүлеләрҙе хәүефһеҙлек менән тәьмин итеү өсөн юл хәрәкәте ҡағиҙәләрен күҙәтеүегеҙҙе һорайбыҙ.