Бүләк уйнатыу дауам итә

Зифа Малик ҡыҙы 30 йылдан ашыу Йонос ауыл советында бухгалтер булып эшләй. Хәҙер хаҡлы ялда.
– Район гәзитен күптән алдырам. Яңылыҡтарҙы уҡырға яратам, – тип һөйләй ул. – Элек уны ата-әсәйем яҙҙыра торғайны, хәҙер ошо матур йоланы мин дауам итәм.
Рәхилә Ғәлимйән ҡыҙы Оло Ҡыҙылбай мәктәбендә башланғыс кластар уҡытыусыһы булып эшләй.
– Яңы йыл алдынан яратҡан баҫмабыҙҙан бүләк алыу бик ҡыуаныслы. Гәзитте һәр саҡ ҡотлауҙар һәм реклама урынлаштырылған һуңғы биттәрҙән уҡый башлайым, һуңынан район яңылыҡтарына күсәм, – тип билдәләй акция еңеүсеһе.
Бүләк отҡан гәзит уҡыусыларыбыҙҙы ихлас күңелдән ҡотлайбыҙ һәм әле бүләктәр барлығы хаҡында иҫегеҙгә төшөрәбеҙ, шуға күрә ваҡытлы матбуғатҡа яҙылырға ашығығыҙ.
“Мәсетле тормошо” гәзитенә 2025 йылдың беренсе яртыһына (алты айға) яҙылған һәр кем “Яҙыл һәм бүләк от!” акцияһында ҡатнаша ала. Бының өсөн һеҙгә квитанцияның күсермәһен (телефон һандарын күрһәтергә онотмағыҙ) [email protected] адресына электрон почтаға ебәрергә йәиһә гәзит редакцияһына шәхсән алып килергә кәрәк. Шулай уҡ почта аша Оло Ыҡтамаҡ ауылы, Мәктәп урамы, 23 адресына ебәрергә мөмкин.

Иғтибар! Яратҡан гәзит-журналдарығыҙға яҙылып өлгөрөгөҙ

Быны эшләү өсөн бер аҙна ғына ваҡыт ҡалды! Һеҙгә “Яңы йыл” марафоны акцияһын бүләк итәбеҙ. Акция 16 декабрҙән 20-һенә тиклем уҙа. Робот-саңһурҙырғыс отҡоғоҙ килһә, редакция аша район баҫмаһына алты айға 10% ташлама менән яҙылығыҙ (гәзитте үҙегеҙгә редакциянан килеп алырға).
Квитанцияларҙы ҡабул итеү өсөн адрес: 450079, Өфө ҡалаһы, Октябрҙең 50 йыллығы урамы, 13, БР “Башҡортостан Республикаһы” нәшриәт йорто. “Яңы йыл яҙылыу марафоны” билдәһе менән podpiska@ rbsmi.ru электрон адресына ебәрергә лә мөмкин.
Еңеүсе 2025 йылдың ғинуарында БСТ телеканалының тура эфирында “Сәләм” тапшырыуында билдәләнәсәк.
Тулыраҡ мәғлүмәт 8 (347) 226-99-54 телефон һаны буйынса.