“Яҙыл һәм бүләк от!” акцияһы еңеүсеһе – Роза Зәйнуллина

Роза Рәжәп ҡыҙы 36 йыл Мәсетле май заводында лаборант булып эшләгән. Намыҫлы хеҙмәте өсөн уға “Коммунистик хеҙмәт ударнигы” исеме бирелә, “Социалистик ярыш еңеүсеһе” билдәһе, шулай уҡ төрлө грамоталар һәм рәхмәт хаттары менән бүләкләнә.
Хәҙер Роза Рәжәп ҡыҙы хаҡлы ялда. Тормош иптәше менән ике бала тәрбиәләп үҫтергәндәр. Бөгөн дүрт ейән-ейәнсәренең һәм ике бүлә-бүләсәренең уңыштарына шатланып йәшәй. Улар-ҙың ҡаҙаныштары тураһында мәҡәләләр тупланған гәзиттәрҙе ҡәҙерләп һаҡлай.
Роза Зәйнуллина район һәм республика яңылыҡтары менән танышыу өсөн урындағы һәм башҡа республика матбуғат баҫмаларын алдыра. Өлкән йәштә булыуына ҡарамаҫтан, гәзит-журналдар-ҙы күҙлекһеҙ уҡый.
– Гәзитте күп йылдар буйы алдырам. Район тормошо хаҡындағы яңылыҡтарҙы уҡырға яратам. Йыл һайын тулы бер йылға яҙылам. Редакцияға минең квитанцияны алып барған изгелекле хат ташыусылар ярҙамында мин акцияла еңеүсе булдым, – тип һөйләй Роза Зәйнуллина.
Еңеүсене ҡотлайбыҙ һәм әлегә бүләктәрҙең күп булыуын иҫегеҙгә төшөрәбеҙ. Электр ҡырынғыс, фен, электр сәйнүге, үтек, дрель-шуруповерт һәм термос үҙ хужаларын көтә. Яңы йыл алдынан редакция үҙенсәлекле бүләк уйната – электр ит турағысы көтә. Район гәзитенә яҙылырға ашығығыҙ!!!
Иҫегеҙгә төшөрәбеҙ: “Мәсетле тормошо” гәзитенә 2025 йылдың беренсе яртыһына (алты айға) яҙылған һәр кем “Яҙыл һәм бүләк от!” акцияһында ҡатнаша ала.
Бүләк уйнатыуҙа ҡатнашыу өсөн һеҙгә квитанцияның күсермәһен (телефон һандарын күрһәтергә онотмағыҙ) handugas-reklama @mail.ru адресына электрон почтаға ебәрергә йәиһә гәзит редакцияһына шәхсән алып килергә кәрәк. Шулай уҡ почта аша Оло Ыҡтамаҡ ауылы, Мәктәп урамы, 23 адресына ебәрергә мөмкин.
Беҙҙең менән ҡалығыҙ һәм һеҙ һәр ваҡыт иң мөһим ваҡиғалар хаҡында хәбәрҙар булырһығыҙ.