Район гәзитенә яҙылыусылар араһында сираттағы бүләк уйнатылды.
Был юлы Оло Ыҡтамаҡ ауылынан Зоя Цапаловаға (фотола) уңыш килде. Еңеүсене йылы юрған отоуы менән ҡотлайбыҙ!
Зоя Никифоровна – педагогик хеҙмәт ветераны. Районканы оҙаҡ йылдар дауамында алдырып уҡып бара.
– “Мәсетле тормошо” гәзитен мин бик күптән алдырам, – ти ул. – Был баҫма минең өсөн районда барған яңылыҡ, хәлдәрҙе белеү сығанағы. Район халҡы һәм улар өлгәшкән ҡаҙаныштар тураһында яҙылған мәҡәләләрҙе ҙур ҡыҙыҡһыныу менән уҡыйым.
Иҫегеҙгә төшөрәбеҙ: бүләк уйнатыуҙа 2022 йылдың алты айына район гәзитенә яҙылыусыларҙың барыһы ла ҡатнаша ала.
Бының өсөн һеҙгә квитанцияның күсермәһен [email protected] электрон адресына ебәрергә йәки гәзит редакцияһына шәхсән килтерергә, йәиһә почта аша Оло Ыҡтамаҡ ауылы, Мәктәп урамы, 23 адресы буйынса ебәрергә кәрәк.
Оҙаҡламай гәзиткә яҙылыусылар араһында төп приз – ТЕЛЕВИЗОР уйнатыла.
Беҙ һеҙҙең квитанцияларҙы көтөп ҡалабыҙ!