Баймаҡта «Башҡорт аты» фестиваленә 21 меңдән ашыу кеше килгән

Баймаҡ районында «Башҡорт аты» халыҡ-ара фестивалендә 21 меңдән ашыу кеше ҡатнашҡан. Был хаҡта Башҡортостан Башлығы Радий Хәбиров үҙенең телеграм-каналында хәбәр итте.

«Башҡорт аты – республикабыҙҙың мөһим символдарының береһе, ә «Башҡорт аты» фестивале – Баймаҡ районының һәм төбәктең визит карточкаһы. Быйыл фестивалгә 12 төбәктән һәм 17 илдән ҡатнашыусылар килде, йәмғеһе 21 меңдән ашыу ҡунаҡ. Бик матур байрам булды», – тине Радий Хәбиров.

6 сентябрҙә Баймаҡ районында IV «Башҡорт аты» халыҡ-ара фестивале үтте. Республикабыҙҙа башҡорт тоҡомло аттарға арналған ҙур фәнни һәм мәҙәни-спорт сараһы 2022 йылдан алып ойошторола.

Фото

Источник: https://bash.bashinform.ru/news/social/2025-09-08/bayma-ta-bash-ort-aty-festivalen-21-me-d-n-ashyu-keshe-kilg-n-4378397