Башҡортостан «Пушкин картаһы» программаһын ғәмәлгә ашырыу буйынса 10 төбәк иҫәбе

Башҡортостан «Пушкин картаһы» программаһын ғәмәлгә ашырыу буйынса илдең иң яҡшы ун төбәге иҫәбенә инде һәм премия лауреаты булды. Был хаҡта Радий Хәбиров хәбәр итте. Хөсәйен Әхмәтов исемендәге Башҡорт дәүләт филармонияһы «Иң яҡшы төбәк концерт майҙансығы» номинацияһында еңеү яуланы – йыл ярым эсендә унда ошо программа буйынса 80 меңдән ашыу билет һатылған, тип өҫтәне ул.

«Программа 2021 йылдың 1 сентябрендә Рәсәй Президенты Владимир Путиндың тәҡдиме менән башланды. Йәштәребеҙ уны хуплап сыҡты. Ошо ваҡыт эсендә 339 237 кеше «Пушкин картаһы»н юллаған, улар 19 032 сараға 3,7 млн билет һатып алған. 2024 йылдың башынан Башҡортостан йәштәре 313,8 миллион һумға 772,7 мең билет алған, ошо күрһәткес буйынса беҙ Волга буйы федераль округында — беренсе, ә Рәсәйҙә өсөнсө урында», — тип яҙҙы Радий Хәбиров социаль селтәрҙә.

Рәсәйҙә «Пушкин картаһы»н 14-22 йәшлектәр алырға мөмкин. Уның иҫәбендә — 5 мең һум, аҡсаны йыл дауамында музейға, театрға, киноға, концертҡа йөрөү өсөн тотонорға була.

Фото

Автор:Әлфиә Әһлиуллина

Источник: https://bash.bashinform.ru/news/social/2024-10-01/bash-ortostan-pushkin-karta-y-programma-yn-m-lg-ashyryu-buyynsa-10-t-b-k-i-ben-inde-3952385

Автор:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?