“Ҡабырсаҡ” – фестиваль призеры

“Ашҡаҙар таңдары” башҡорт мәҙәниәте фестивале Стәрлетамаҡта тәүге тапҡыр 2006 йылда уҙҙы. 17 йыл эсендә был сара Стәрлетамаҡ өсөн ысын мәғәнәһендә әһәмиәтле ваҡиғаға һәм ҡаланың брендына әйләнде. Гала-концертты ябыу тантанаһы 14 октябрҙә ҡала Мәҙәниәт һарайында үтте. Ҡатнашыусыларҙы Стәрлетамаҡ ҡала хакимиәте башлығының беренсе урынбаҫары Эмиль Шәймәрҙәнов һәм Республика халыҡ ижады үҙәге генераль директоры Салауат Кирәев ҡотланы.
Гала-концерт барышында коллективтар урындағы фольклор, халыҡ мәҙәниәтенең
үҙенсәлектәре һәм төбәктең көнкүреше сағылған фольклор композицияларынан иң сағыу номерҙар һәм өҙөктәр тәҡдим итте. Мәсетле районының “Ҡабырсаҡ” башҡорт халыҡ фольклор ансамбле (етәксеһе – Рәсимә Әхмәтйәнова) III дәрәжә лауреат булды.

Светлана СЕРГЕЕВА
әҙерләне.