Байрам барышында йәш тамашасылар Мәсетле районының рус мәҙәни мираҫы менән танышты, уларҙың йөҙ йыл элек кейгән кейемдәре – ситса күлдәк, боронғо салбар, сылғау, сабата, алъяпҡыс, ҡатын-ҡыҙҙар күлдәге, сарафан, шулай уҡ кейем элементтарының атамаларын өйрәнде.
Балалар “Родничок” өлгөлө фольклор коллективы һәм Мәҙәниәт һарайының “Рябинушка” халыҡ ансамбле баш-ҡарыуында боронғо рус йырҙарын ихлас тыңланы.
А. Невский исемендәге казак хәрби-патриотик клубы тәрбиәләнеүселәре мәктәп уҡыусыларына традицион казак кейеменән тыш, казак шашкаһы, сынйыр һәм баш-ҡа атрибуттар менән фланкировка күнекмәләре күр-һәтте. Байрам рус халыҡ уйындары менән тамамланды.
Сарала ҡатнашыусылар, традицион рус мәҙәниәте менән танышып, бик күп ыңғай тәьҫораттар алды.
Мәҙәниәт бүлеге.