+17 °С
Дождь
Мәҙәниәт
15 Ноября 2019, 12:00
Халыҡ костюмы традицияларын һаҡлап ҡалалар
Республика халыҡ ижады үҙәгенең мәҙәниәт йортонда “Гөлостан” республика халыҡ костюмы фестиваль-конкурсы үтте. Сараға Баш-ҡортостан Республикаһы, Силәбе өлкәһе ҡалалары һәм райондарынан 250-нән ашыу ҡатнашыусы йыйылды.
Сараның ойоштороусылары – Башҡорт-остан Республикаһының Мәҙәниәт министрлығы, Республика халыҡ ижады үҙәге.
Фестивалдә Яңы Мишәр ауыл клубының “Ҡомартҡы” ҡабартмалы сигеү халыҡ коллективы (етәксеһе – Эльвира Латипова) ҡатнашты. Ижади коллектив изделиелар күргәҙмәһе һәм “Талир тәңкә” номинацияһында ҡабартмалы сигеү – этнографик костюм буйынса оҫталыҡ дәресе, шулай уҡ “Ҡотлау” номинацияһында ҡабартмалы сигеү менән биҙәлгән ҡатын-ҡыҙҙар кейемдәре коллекцияһын – этно стилдәге йәштәр костюмы әҙерләгән.
Конкурс йомғаҡтары буйынса “Ҡомартҡы” коллективы “Халыҡ костюмы традицияларын үҫтереү һәм һаҡлап ҡалыу” номинацияһында махсус диплом менән бүләкләнде.
Район мәҙәниәт бүлеге.
