Радий Хәбиров уҡыусыларға берҙәм дәүләт имтиханында уңыштар теләне

«Бөгөн Башҡортостандың 11-се класс уҡыусылары өсөн тарих, әҙәбиәт һәм химия фәндәренән тәүге берҙәм дәүләт имтиханы. Туғыҙынсылар өсөн һынауҙар 21 майҙа башланды. Быйыл 16 844 кеше – берҙәм дәүләт имтиханы, 51 812 кеше төп дәүләт имтиханы тапшыра.

Уҡыусыларға уңыштар юлдаш булһын! Ата-әсәләргә иһә түҙемлек теләйем. Ә уҡытыусыларҙың изге хеҙмәте алдында баш эйәм», — тип яҙа ул социаль селтәрҙәге сәхифәһендә.

Бынан алдараҡ «Башинформ» республикала сығарылыш класы уҡыусыларының БДИ тапшырыуы тураһында хәбәр иткәйне.

Источник: https://bash.bashinform.ru/news/edu/2025-05-23/radiy-h-birov-u-yusylar-a-ber-m-d-l-t-imtihanynda-u-yshtar-tel-ne-4248008