Бөтә яңылыҡтар
Мәғариф
22 Апрель 2025, 14:50

Башҡорт теленән халыҡ-ара диктантты офлайн форматта нисек яҙырға?

Хәтерегеҙҙәлер, Башҡорт теленән халыҡ-ара диктантты ике форматта яҙып була: офлайн һәм онлайн. Офлайн форматты һайлаусылар майҙансыҡтарҙа дикторҙар уҡыуы ярҙамында яҙа. Онлайн форматты яҡын күргәндәр дикторҙар уҡыуын Башҡортостан юлдаш телевидениеһының тура эфирында йәки социаль селтәрҙәр аша тыңлай ала.

Башҡорт теленән халыҡ-ара диктантты офлайн форматта нисек яҙырға?
Башҡорт теленән халыҡ-ара диктантты офлайн форматта нисек яҙырға?

Онлайн яҙыусылар өсөн теркәлеү кәрәкмәһә, офлайн майҙансыҡтарҙа яҙыусылар bashdictant.ru сайтында теркәлеү үтергә тейеш.

Майҙансыҡтарҙың һаны бихисап, үҙегеҙ һайлағанын сайтта нисек табырға? Аңлатабыҙ.
1. bashdictant.ru сайтын асырға;
2. ⁠Офлайн формат бүлеген табырға;
3. "Ҡатнашыусыларҙы теркәү" төймәһенә баҫырға;
4. Инструкция буйынса кәрәкле мәғлүмәтте ҡулланып теркәлгән майҙансыҡтар араһынан кәрәклеһен һайлап алырға.

Диктант тамамланғандан һуң эштәрегеҙҙе майҙансыҡтың ойоштороусыларына ҡалдырығыҙ.
Онлайн яҙыусыларға эштәренең фотоһын йәки сканын телеграмдағы @bash_dictant_bot ботына йәки bashdictant2025@mail.ru электрон почтаһына ебәрергә кәрәк.
Диктантта осрашҡанға тиклем!

#башҡорттелендәдиктант
#башдиктант
#башдиктант2025
#диктантпобашкирскомуязыку
#башҡортсадиктантяҙам

 

Автор: