Мәсетле тормошо
+8 °С
Болотло
Бөтә яңылыҡтар
Мәғариф
11 Ноябрь 2020, 19:45
Башҡортостандың Мәғариф министрлығында колледж студенттарын көндөҙ уҡытыуҙың сәбәбен әйттеләр
Республиканың Мәғариф министрлығында ни өсөн урта махсус уҡыу йорттары студенттарын өйҙән уҡыуға күсермәүҙәре хаҡында һөйләнеләр.
Башҡортостанда вуздарҙың беренсе-сығарылыш алды курстарында белем алған студенттарҙы дистанциялы уҡыуға
күсергәндән һуң
колледждарҙа онлайн уҡытыу тураһында һорауҙар тыуа башланы. Урта махсус уҡыу йорттары 5 октябрҙән офлайн уҡый.
Башҡортостандың Мәғариф министрлығынан хәбәр итеүҙәренсә, урта махсус уҡыу йорттарын дистанциялы уҡытыуға күсерергә кәрәкмәй. Ведомствоның һөнәри белем биреү бүлеге етәксеһе Галина Давыдова әйтеүенсә, ойошмаларҙа дистанциялы уҡытыу технологиялары файҙаланыла һәм санитар ҡағиҙәләр үтәлә.94 мең студенттың 0,1% сирләй.
«Колледждарҙа ковидҡа ҡаршы инспектор вазифаһы индерелде. Коронавирус инфекцияһының таралыуына юл ҡуймау маҡсатында айырым төркөмдәр өйҙән уҡыуға күсерелә. Бынан тыш, колледждарҙа 65 йәштән өлкән хеҙмәткәрҙәр, шулай уҡ хроник ауырыуҙарҙан яфаланғандар ситтән тороп эшләү режимына күсерелгән. Республика колледждарында санитар-эпидемиологик хәл тотороҡло. Барыһын да дистанциялы уҡытыуға күсереү өсөн нигеҙ юҡ», – тип һөйләне ул.
Мәғариф министрлығында билдәләүҙәренсә, ҡайһы бер осраҡтарҙа, шул иҫәптән хроник сирҙәр арҡаһында, уҡыусыларҙың ата-әсәләре йәки уларҙың законлы вәкилдәренең ғаризаһы буйынса онлайн режимында уҡыуҙы дауам итергә мөмкин.
Виктория Заяц
Теги:
Мәғариф министрлығы
https://www.bashinform.ru/bash/1520240/