Мәсетле тормошо
+29 °С
Болотло
Бөтә яңылыҡтар
Мәғариф
21 Август 2020, 18:00

Һәләтле уҡыусыларға – премиялар

Уҙған дүшәмбе район хакимиәтендә мәктәпте тамамлаусы айырыуса һәләтле уҡыусыларға Мәсетле районы хакимиәте башлығы премияһы тапшырҙылар.

Ҡыҙҙарҙы мәғариф өлкәһендәге ҡаҙаныштары менән Әнис Әсәҙуллин ҡотланы. Ул был уңыштың нигеҙендә сығарылыш уҡыусыларының ғына түгел, ә уларҙың ата-әсәләренең, класс етәкселәренең һәм уҡытыусыларының маҡсатҡа ирешеүҙә ныҡышмалы хеҙмәте ятыуын билдәләп үтте.
Башҡорт гимназияһын тамамлаусы, “Йыл уҡыусыһы-2019” конкурсы еңеүсеһе Зөлфиә Хафизова (ата-әсәһе Гөлнара Хәлилова һәм Артур Хафизов, класс етәксеһе – Гөлнара Хәлилова), 1-се Оло Ыҡтамаҡ лицейын тамамлаусылар: инглиз теле буйынса Бөтә Рәсәй уҡыусылар олимпиадаһының төбәк этабы һәм “Йыл уҡыусыһы-2020” муниципаль конкурсы призеры Зарина Әмирова (ата-әсәһе Земфира һәм Ранис Әмировтар, класс етәксеһе – Аида Сәлимйәнова); инглиз теле буйынса Бөтә Рәсәй уҡыусылар олимпиадаһының төбәк этабы һәм “Йыл уҡыусыһы-2020” муниципаль конкурсы призеры Камилла Ғайсина (әсәһе Лира Ғайсина, класс етәксеһе – Аида Сәлимйәнова); Лиана Ҡотлоәхмәтова (ата-әсәһе Лилиә һәм Раил Ҡотлоәхмәтовтар, класс етәксеһе – Динар Хәйруллин); Эльмира Сәлимова (ата-әсәһе Ғәлиә һәм Илдар Сәлимовтар, класс етәксеһе – Динар Хәйруллин) быйылғы йылда премияға лайыҡ булды.
Әнис Ҡасим улы уларға тормоштоң киләһе баҫҡысын – студент йылдарын уңышлы үтеп, кәрәкле һөнәр алыуҙарын, киләсәктә үҙ юлдарын табып, илебеҙҙең лайыҡлы кешеләре булыуҙарын теләне.