“Йыл уҡытыусыһы” конкурсына йомғаҡ яһалды

Конкурсанттар үҙҙәренең интернет-ресурстары менән таныштырҙы, дәрес үткәрҙе, үҙ дәрестәрен анализланы, дәрестән тыш сара күрһәтте. Финалға сығыусылар оҫталыҡ дәресе үткәрҙе.
Һөҙөмтәлә “Башҡортостан уҡытыусыһы-2022” республика конкурсының муниципаль этабында Оло Ыҡтамаҡ лицейының башланғыс кластар уҡытыусыһы Ксения Привалова еңеүсе тип табылды.
Төрлө номинацияларҙа еңеүселәр: Оло Ыҡтамаҡ лицейының рус теле һәм әҙәбиәте уҡытыусыһы Элина Матиғуллина – “Йәш уҡытыусы”, Яңы Мөслим мәктәбенең рус теле һәм әҙәбиәте уҡытыусыһы Фәриҙә Байрамғәлина – “Рус теле һәм әҙәбиәте уҡытыусыһы”, Оло Аҡа мәктәбенең башланғыс кластар уҡытыусыһы Ираида Закирова – “Һөнәргә тоғролоҡ өсөн”, Түбәнге Бобин мәктәбенең математика уҡытыусыһы Екатерина Ковина – “Оҫталыҡ һәм педагогик талант”, Түбәнге Бобин мәктәбенең информатика уҡытыусыһы Резеда Хәбетдинова – “Профессиональ һәм ижади үҫеш”.
Еңеүселәр республика конкурсында ҡатнашасаҡ.
Мәсетле районы мәғариф бүлеге.