Мәсетле тормошо
+16 °С
Болотло
Бөтә яңылыҡтар

Бергәләп эшләйек

Яңы Мишәр мәктәбенең барлыҡ уҡытыусылары һәм уҡыусылары, ә улар 98, “Сәләмәт туҡланыу – әүҙем оҙон ғүмер” Бөтә Рәсәй социаль акцияһына ҡушылды.

Проект буйынса беренсенән алып ун беренсегә тиклем бар кластарҙа ла тест уҙғарылды. Уның ярҙамында көн дауамында һәр баланың менюһын анализланылар. Дәрестәрҙә дөрөҫ һәм фай-ҙалы туҡланыу тураһында мәғлүмәттәр менән уртаҡлаштылар, ҡулланыр- ға ярамаған аҙыҡтар тураһында һөйләштеләр.

Проектта ҡатнашҡандан һуң ҡыҙҙар һәм малайҙар тәьҫораттары менән уртаҡлашты.
Салауат Камалов, 7-се класс: “Минең тормошомда спорт мөһим роль уйнай. Йүгереү менән шөғөлләнәм, нәҡ шуның өсөн сәләмәт туҡланыуҙан тайпылмаҫҡа тырышам”.
Ленария Фәтҡуллина, 5-се класс: “Был дәрестәрҙән һуң мин магазиндарҙа организмға зыянлы аҙыҡтарҙың күплеген аңланым. Беҙгә улар тураһында, уларҙың организмыбыҙға нисек тәьҫир итеүе хаҡында һөйләгәндәре өсөн рәхмәтлемен”.
Азалия Ғүмәрова, 7-се класс: “Миңә бар татлы аҙыҡтар ҙа оҡшай. Кәнфиттәр сәләмәтлек өсөн хәүефле аҙыҡтар иҫәбенә инә икән. Акциянан һуң көндәлек рационымды анализлайым, кәнфит урынына күберәк емеш-еләк ашарға тырышам”.
Таңсулпан Закирова, 8-се класс: “Мин бик күп ҡыҙыҡлы мәғлүмәт белдем. Дөрөҫ туҡланыу тураһында йышыраҡ һөйләү, уны үҙ өлгөңдә башҡаларға күр-һәтеү мөһим”.
Камилла Мөхәмәтйәнова, 7-се класс: “Беҙҙең бөтә мәктәп менән был акцияла ҡатнашыуыбыҙ бик яҡшы. Минең барлыҡ класташтарым уны ҙур энтузиазм менән ҡабул итте. Файҙалы мәғлүмәт артыҡ булмай”.