Мәсетле тормошо
+13 °С
Болотло
Бөтә яңылыҡтар
Крәҫтиән эштәре
16 Апрель , 16:00

Башҡортостанда күпселек райондар баҫыу эштәренә тотондо

15 апрелгә 33 район хужалыҡтарында яҙғы баҫыу эштәре башланды (бөтәһе 54 район). Башҡортостандың Ауыл хужалығы министрлығы мәғлүмәтенә ярашлы, 24 муниципалитет баҫыуҙарында күп йыллыҡ үләндәрҙе тырматалар, әлегә 25 мең гектар майҙанда был эш башҡарылған.

Башҡортостанда күпселек райондар баҫыу эштәренә тотондо
Башҡортостанда күпселек райондар баҫыу эштәренә тотондо

Ә 23 районда хужалыҡтар ужым культураларын (34 мең гектар), 20 районда иһә күп йыллыҡ үләндәрҙе (22 мең гектар) минераль ашламалар менән туҡландыра.

Асҡын, Бүздәк, Дыуан, Дүртөйлө, Илеш, Ҡырмыҫҡалы, Кушнаренко, Салауат, Өфө, Саҡмағош һәм Шишмә райондары хужалыҡтары дым ҡаплатыуға тотондо. Ғөмүмән, 5,3 мең гектар майҙанда эш тамамланған.

Башҡортостанда яҙғы культураларҙы 2 миллион гектарҙан ашыу майҙанда сәсеү бурысы тора. Быйылғы миҙгелгә сәсеү майҙандары структураһы тураһында тулыраҡ — бында. Яҙғы кампанияның төп хәүефтәре тураһында — бында.

Фото:Башҡортостандың Ауыл хужалығы министрлығы

Источник: https://bash.bashinform.ru/news/economy/2024-04-16/bash-ortostanda-k-pselek-rayondar-ba-yu-esht-ren-totondo-3729531 

Автор: