Иген урыу комбайндарында еңеүселәр:
5-се төр: беренсе урында – “Аҡтау” йәмғиәтенән Марсель Әҙиуллин, ул КЗС-12.18 “Полесье” комбайнында 516 гектарҙан 774 тонна уңыш алған; икенсе урында – шул уҡ хужалыҡтан Дмитрий Петькин, КЗС-12.18 “Полесье” комбайнында 439 гектарҙан 658 тонна иген һуғып алған.
4-се төр: еңеүсе – Рафиҡ Зөфәров (“Аҡтау”, КЗС-10 “Полесье”, 485 гектарҙан – 727 тонна); икенсе урында – Владимир Носков (“Ленинский”, КЗС-812 “Полесье”, 456 гектарҙан – 492 тонна); өсөнсө – Салауат Латипов (“Йондоҙ”, Дон-1500Б, 265 гектарҙан – 416 тонна).
2-се төр: беренсе урында – Әбдел-ғәзе Сәбиғиәров (“Йондоҙ”, СК-5 “Нива-Эффект”, 202 гектарҙан – 317 тонна); икенсе урында – Азамат Хәлилов (“Йондоҙ”, СК-5 “Нива-Эффект”, 173 гектарҙан – 271 тонна); өсөнсө урында – Артур Бәшәров (“Ленинский”, СК-5 “Нива-Эффект”, 220 гектарҙан – 237 тонна).
Йөк автомобилдәре водителдәре араһында:
беренсе урында – Зифат Ғиниәтов (“Аҡтау”, тағылмалы КамАЗ-45143, 45505 т/км); икенсе урында – Динар Сабиров (“Ленинский”, КамАЗ-4513, 15395 т/км); өсөнсө – Ренат Закиров (“Йондоҙ”, ЗИЛ-ММЗ-554М, 9375 т/км).
Ерҙе туңға һөрөүселәр араһында:
еңеүсе – Виктор Власовец (“Аҡтау”, Версатайл-2375 (һабан ПСК-8, 300 гектар); икенсе урында – Радис Хәмиҙуллин (“Йондоҙ”, К-739М, һабан ПСК-8+1, 100 гектар).
Еңеүселәрҙе ҡотлау был юлы “Йондоҙ” йәмғиәтенең иген келәте территорияһында уҙҙы. Район Мәҙәниәт һарайы хеҙмәткәрҙәре Ғәлиә Вәхитова һәм Энгельс Ғәлиәкбәров баҫыу батырҙары рухын йыр менән күтәрҙе.
Иҫегеҙгә төшөрәбеҙ: бөтә урып-һуғыу эштәре барышы һөҙөмтәләре һәм еңеүселәре Ауыл хужалығы һәм эшкәртеү сәнәғәте хеҙмәткәрҙәре көнөндә билдәле буласаҡ.
Шул арала
Мәсетле мәғлүмәт-консультация үҙәге мәғлүмәттәре буйынса, 23 авгусҡа ҡарата бар милек формаһындағы хужалыҡтарҙа иген культураларының 74,6 проценты йыйып алынған.
“Попов А. В.” КФХ-һы (94,8%), “Йондоҙ” (92%) һәм “Батыр” (90%) йәмғиәттәре ураҡ эштәрен тамамларға тора.
“Ленинский” АПК-һы (89,4%), “Аҡтау” йәмғиәте (78,3%), “Зыялтдинов” КФХ-һы (77,3%), “Үҙәк” МТС-ы (60,9%), “Бәҙретдинов В. В.” шәхси эшҡыуарлығы (30,9%), “Ҡыҙылбай” йәмғиәте (24%) ураҡ эштәрен дауам итә.
Ужым арышы тулыһынса алынған. Уның иң юғары уңышы – “Аҡтау” йәм-ғиәтендә (гектарынан 22 ц).