Йәш оҫта йәшәй арабыҙҙа

Конкурста беренсе тапҡыр Мәсетле районы исеменән Дыуан күп профилле колледжының Оло Ыҡтамаҡ филиалы студенты Илдар Ғәлин ҡатнашты һәм 2-се урын яуланы.
Конкурс барышында буласаҡ профессионалдар оҫталыҡтарын күрһәтте – ярымфабрикаттар нигеҙендә “Диңгеҙ бризы” темаһына миниатюра әҙерләне.
Ҡыҫҡа ғына ваҡыт эсендә егетте уҡытыусыһы Вәсилә Сәфиуллина әҙерләне һәм конкурс барышында уҡыусыһы янында булды.
– Илдар Ғәлин 2-се курста ашнаҡсы-кондитерға уҡый. Ул бик уңған, колледждың барлыҡ сараларында әүҙем ҡатнаша, – ти Вәсилә Сәфиуллина.
Ҡатнашыусыларҙы Өфөлә “Торатау” конгресс холында наградланылар.
Ләйсән АБЗАНОВА.