Унда бөтөн донъянан меңләгән йәш рәссам ҡатнашты. Конкурсҡа Мәсетле районы Балалар сәнғәт мәктәбенән “Һынлы сәнғәт” бүлексәһе уҡыусыларының 23 эше ебәрелгәйне.
Һөҙөмтәлә “Һынлы сәнғәт” номинацияһында (14-17 йәш) Данил Вәисов (уҡытыусыһы Лилиә Нуртдинова) еңеүсе (дипломант) булды. Уның “1918 йыл. Әжекәй ауылындағы фажиғә алдынан” эше РФ һәм БР-ҙың атҡаҙанған рәссамы А. Р. Тереғолов етәкселегендәге компетентлы жюри тарафынан юғары баһаланды.
Балалар сәнғәт мәктәбе етәкселеге.