Таланттары менән балҡый Мәсетле ере (13 февраль 2019 йыл)

Сығыш яһаусылар ижади һәләттәрен һәм юғары башҡарыу оҫталыҡтарын күрһәтеп, был байрам ваҡиғаһының барлыҡ шаһиттарын ләззәтләндереп һәм шатлыҡ минуттары бүләк итеп, төрлө планда сағыу тамаша әҙерләгән.

Балалар-үҫмерҙәр спорт мәктәбе педагогы Ирек Ғәлимов Баязит Бик- байҙың “Ер” поэмаһын, Пионерҙар һәм уҡыусылар йорто педагогы Наталья Бауэр “Россия и Башкирия” шиғырын һөйләгәндә грамоталы телмәр, текстың образлы һәм мәғәнә тәрәнлеген, башҡарыу оҫталығы һәм сәхнәлә үҙ-үҙеңде тотоу мәҙәниәтен күр-һәттеләр.

“Өфө йүкәләре” йырын башҡар-ғанда Оло Ыҡтамаҡ ауыл биләмәһе хакимиәте һәм мәғариф бүлеге хеҙмәткәрҙәренең ҡатын-ҡыҙҙар ансамбле тауыштары аһәңле яңғыраны (һүрәттә).

Художестволы һыҙғырыу номинацияһында сығыш яһаусы Оло Ыҡтамаҡ ауыл Советы хеҙмәткәре Ришат Фәрхитовтың сығышы дәррәү алҡыштар- ға күмелде.

Үрҙә телгә алынған ойошмаларҙың йыйылма ирҙәр вокаль ансамбле баш-ҡарыуындағы “Батырҙар йыры”н билдәләп үтмәү ҙә хилаф булыр ине (һүрәттә).

Сығыш яһаусы ойошмалар етәкселәре Радик Ғәләүетдинов, Илдар Ғәлимов, Илгизәр Ғилметдинов һәм Анзалита Мусина концертта үҙҙәре лә ҡатнашты: бейенеләр, вокаль ансамблдәрҙә һәм хорҙа йырланылар, ҡумыҙҙа уйнанылар.

“Хор менән йырлау” номинацияһында ҡатнашыусылар залда ултырыусыларҙы сағыу сығыштары менән ҡыуандырҙы. Хор коллективы баш-ҡарыусылары етди сығышҡа бик төплө әҙерләнгән. бының өсөн улар әллә күпме репетицияларға йөрөнө, шунда уҡ барыһы ла килеп сыҡмай, әлбиттә, вокаль-техник ҡыйынлыҡтар, тәғәйен образ һәм эмоциональ хис-тойғолар менән бәйле матур һәм “аҡыллы” өндәр өҫтөндә сабыр һәм тир түгеп эшләргә тура килә. Сөнки хорҙа, белгестәр әйтеүенсә, икенсе кешене ишетеү, бер-береңә ҡолаҡ һалыу мөһим, ул берҙәм ынтылышҡа һәм яйға һалынған һулышҡа нигеҙләнгән, унда индивидуаллек баҫылып ҡалмай, ә тулыһынса асыла. Жюри йыйылма хорҙың профессионаллеген билдәләне.

Залдағы тамашасыларҙың әйтеүенсә, уларға төрлө ойошмаларҙа эшләп, бөгөн сәхнәгә сыҡҡан, йырлаған, бейегән, шиғыр һөйләгән таныштарын ҡарауы ҡыҙыҡ булған.