Мәсетле тормошо
+17 °С
Болотло
Бөтә яңылыҡтар
Конкурстар
16 Июль 2018, 16:15

Бесән сабыусылар турниры

Мәсетле районы командалары 14 июлдә Свердловск өлкәһенең Әртә ҡасабаһында үткән VII Халыҡ-ара “Бесән сабыусылар турниры”нда ҡатнашты.

“Бесән сабыусылар турниры” – Рәсәй өсөн уникаль, тамашалы һәм “экологик яҡтан таҙа” спорт-фольклор бәйгеһе. “Бесән сабыу-сылар турниры” – Урал йәйе, бесән сабыу байрамы, ҡомарлы һәм тамашалы бәйге, сабыу оҫталары һәм халыҡ ғөрөф-ғәҙәттәре белгестәре менән осрашыу.

Уралдағы Әртә ҡасабаһы ярыш үткәреү урыны итеп осраҡлы һайланмаған: уның төп иҫтәлекле ере – инде ике йөҙ йыл дауамында сал-ғылар әҙерләүсе Әртә заводы. Турнир 2011 йылдан башлап уҙғарла. Бесән сабыусылар ярышы – Турнирҙың төп ваҡиғаһы, әммә берҙән-бер генә түгел. Турнир дүрт май-ҙансыҡта үтә: спорт майҙансығында сабыу буйынса ярыш, төп сәхнәлә концерт программаһы, уйын майҙансығында балалар өсөн саралар һәм йәрминкә.

Быйыл Мәсетле районынан ике команда ҡатнашты:

1. Аҡтимеров Раян Рафаил улы һәм Әхәтова Нурия Әүхәт ҡыҙы (Оло Аҡа ауыл биләмәһе);

2. Төхвәтуллин Баязит Булат улы (Яңы Яуыш ауыл биләмәһе) һәм Ниғәмәтуллина Гөлфиә Вәдит ҡыҙы (Яңы Мишәр ауыл биләмәһе).

Шул уҡ кешеләр район исеменән индивидуаль зачетта ла ҡатнашты. Тотош дистанцияларҙа: ирҙәр араһында – 2,0х50 м, ҡатын-ҡыҙҙар араһында – 1,5х50 м оҙонлоҡта ҡатнашыусылар араһында ныҡышмалы көрәш барҙы.

Ҡайырым сифаты, сабыу ваҡыты һәм сабыусының тышҡы ҡиәфәте буйынса турнирға йомғаҡ яһалды, уның буйынса бәйгелә ҡатнашыусылар дипломдар һәм иҫтәлекле бүләктәр менән наградланды.

Гөлдәр СОЛТАНОВА,

Мәсетле Мәғлүмәт-консультация үҙәгенең I категориялы белгесе.