Өс ҡатлы тәмле бәлеш бешерәйек

Өс ҡатлы бәлеш бешереп алайыҡ. 

Ҡамыр өсөн:
2 стакан он,
200 грамм май,
һыу йәки һөт - 100 мл,
шәкәр ҡомо - 100 грамм, бер семтем тоҙ һәм сода алына.

Эслек өсөн:
күрәгә - 200 гр,
ҡара емеш - 200 гр,
лимон - 2 дана (ҙур булмаған),
шәкәр - 9 аш ҡалағы кәрәк буласаҡ.

Әҙерләү:
майҙы он менән (он валсығы булғансы) ыуырға кәрәк. Ошо массаға шәкәр, сода һәм тоҙ өҫтәйбеҙ. Әкренләп һөт һалабыҙ һәм йомшаҡ итеп ҡамыр баҫабыҙ. Ҡамырҙы 4 өлөшкә бүлеп алып ҡуйып торабыҙ. Ҡара емеште, күрәгәне һәм лимонды айырым-айырым блендерҙа ваҡларға, һәр береһенә 3 аш ҡалағы шәкәр ҡомо өҫтәргә.

Әҙер ҡамырҙы йәйеп, табаға ҡатлам-ҡатлам һалырға. Ҡатламдың беренсе өлөшөнә - ҡара емеште, икенсе өлөшөнә - күрәгәне, өсөнсө өлөшөнә лимонды һалырға. Дүртенсе ҡатламды иң өҫкә йәйеп, майлап, сәнске менән тишкеләргә. 180 градуста 40 минут бешерергә.

Сәйҙәрегеҙ тәмле булһын!

Фото һәм текст сығанағы:"Файҙалы кәңәштәр" төркөмөнән.