ЭРЕМСЕКЛЕ ҠОЙМАҠ

Аштарығыҙ тәмле, файҙалы булһын!

1 литр һөт, 2-3 стакан он, ярты балғалаҡ тоҙ, ярты балғалаҡ аш содаһы, 2 ҡалаҡ шәкәр, 2 ҡалаҡ көнбағыш майы, 2 йомортҡа; эслеккә ярты килограмм эремсек, 1 стакан йөҙөм, 3 ҡалаҡ шәкәр, 100 грамм ҡаймаҡ кәрәк.

Һөткә бөтә ингредиенттарҙы ҡушып ҡамыр эшләйбеҙ. Табала бер үк күләмдә алынған аҡ май менән үҫемлек майын ҡыҙыу хәлгә еткерәбеҙ, шунда ҡоймаҡ ҡоябыҙ.
Эремсеккә шәкәр, йөҙөм, ҡаймаҡ һалып болғатабыҙ (ҡорораҡ тойолһа, бер нисә ҡалаҡ ҡына һөт өҫтәргә була). Һәр ҡоймаҡҡа 2 ҡалаҡ самаһы эслек урайбыҙ.
Эслектең тағы бер варианты: картуфты бешереп иҙәбеҙ ҙә майҙа ҡыҙҙырылған һуған ҡушабыҙ.

Сығанаҡ: "Башҡортостан ҡыҙы" журналы.