Балаларға бағышланған ғүмер

Уның һөнәри юлы – булмышҡа тоғролоҡ өлгөһө. 1980 йылда Татьяна Николаевна Красноуфимск педагогия училищеһында башланғыс кластар уҡытыусыһына уҡып сыға һәм Мәсетле шифаханаһына эшкә килә. Бына 45 йыл инде ул үҙен яратҡан хеҙмәтенә бағышлай һәм көн һайын тәрбиәләнеүселәре хаҡында хәстәрлек күрә, уларға белем бирә һәм күңел йылыһы бүләк итә.
Был ваҡыт эсендә донъяла, педагогикала, мәғарифҡа талаптарҙа күп нәмә үҙгәрҙе. Ләкин юғары квалификациялы профессионал Татьяна Николаевна классик тәрбиә традицияларын заманса алымдар менән гармониялы берләштерә белә. Ул белемен даими камиллаштыра, үҫешә, шифахана һәм район тормошонда әүҙем ҡатнаша. Уның эшендә ҡағиҙәһе үҙгәрешһеҙ ҡала – балалар байрамдарына әҙерлек, экология өмәләре йәиһә мөһим социаль акция кеүек ваҡиғалар уртаһында булыу.
Ярты быуатҡа яҡын хеҙмәте бер нисә тапҡыр Рәсәй Федерацияһы Һаулыҡ һаҡлау министрлығының һәм Рәсәй Федерацияһы Һаулыҡ һаҡлау хеҙмәткәрҙәре профсоюзының почет грамоталары менән юғары кимәлдә баһаланды. Ә 2022 йылда уның профессиональ сифаттары “Һөнәре буйынса иң яҡшыһы” һөнәри оҫталыҡ район конкурсында “Танылыу һәм хөрмәт” номинацияһында билдәләнде.
Татьяна Николаевна – бөтә коллектив өсөн баһалап бөткөһөҙ тәрән аҡыл һәм ышаныс сығанағы.
– Ул беҙҙең өсөн өлгө булып тора, – ти хеҙмәттәштәре. – Уға һәр саҡ кәңәш һорап мөрәжәғәт итергә мөмкин, мотлаҡ ярҙам итәсәк. Уның күңел йомартлығына, һөнәренә тоғролоғона һоҡланабыҙ.
Педагогтың һөнәри оҫталығы уның күңел сифаттары менән бергә үрелеп бара. Ул хөрмәтле остаз ғына түгел, шулай уҡ һоҡланғыс хужабикә һәм яратҡан ҡатын булып ҡала. Башҡалар хаҡында хәстәрлек күреү һәләте ғаиләһендә дауам итә.
Мәсетле ата-әсәләре менән балалар өсөн шифаханаһы коллективы Татьяна Николаевна кеүек хеҙмәткәрҙәре менән ғорурлана. Уның хеҙмәте – ул барыбыҙ өсөн дә ысын оҫталыҡ һәм кешелеклелек мәктәбе. Беҙ уға ныҡлы һаулыҡ, бөтмәҫ дәрт, рәхмәтле тәрбиәләнеүселәр һәм мөһим миссияны әле күп йылдар дауам итеүен теләйбеҙ!
Зөлфиә КӘРИМОВА.