Ҡоштар туҡ булһын өсөн

Беҙҙең яҡтарға ла ҡыш килде. Һалҡын көндәрҙә ас ҡоштар йыш ҡына туңа.

Шундай хәлдәр булмаһын өсөн уҡыусылар Оло Ыҡтамаҡ лицейында үткән “Тағараҡ” экологик акцияһында ҡатнашты. Башланғыс кластар уҡыусылары ҙур әүҙемлек күрһәтте. Балаларҙың эштәренән – төрлө материалдарҙан һәм формаларҙа яһалған тағараҡтарҙан күргәҙмә ойошторолдо. Улар балалар баҡсаларында урынлаштырыласаҡ, унда бәләкәстәр бик теләп ҡанатлы дуҫтарға ем һаласаҡ.

Ҡоштар өсөн тағараҡтар яһау мәктәп уҡыусыларын тәбиғәткә һәм тирә-яҡ мөхиткә һаҡсыл ҡарарға өйрәтә.

Альбина ЗАРИПОВА,

Оло Ыҡтамаҡ лицейының өлкән вожатыйы.