Мәңге хәтеребеҙҙә

Әсәйебеҙ ифрат тәрбиәле, маҡсатлы һәм тормошто яратҡан кеше ине. Ул бүлмә сәскәләрен бик яратты, гүйә, һәр сәскәнең йәнен аңлар ине, уларға ҡарап һөйөндө. Ҡайҙа ғына булһа ла – өйҙә, баҡсала, урамда – ул матурлыҡты күрә һәм уға ихлас һоҡлана белде. Аралашыусан, асыҡ йөҙлө булып, бөтә туғандары менән бәйләнеш тотто, береһен дә онотманы.
Ғүмер буйы эш менән булды, уңған, сабыр әсәй ине. Атайыбыҙ Фәҡирйән Кәлимуллин менән 54 йыл бергә ғүмер кисерҙеләр, бик изге күңелле булдылар. Тормош төрлөсә була, улар алты балаға ғүмер бүләк иттеләр, әммә яҙмыштың ҡаты һынауы арҡаһында икәүһен сабый саҡта юғалттылар. Ҡалған балаларын улар эшһөйәр, кешелекле, изге күңелле итеп тәрбиәләнеләр, һәр береһенә белем бирҙеләр. Барыһы өсөн дә беҙ уларға сикһеҙ рәхмәтлебеҙ.
Яҙғы ваҡытта беҙҙең баҡса һәр ваҡыт хозур ине: алмағас, сирень, ҡарағат, ҡурай еләге, балан – быларҙың барыһы ла әсәйебеҙҙең һәм атайыбыҙҙың ҡулдары менән үҫтерелгән. Ул емештәрҙең хуш еҫе, сәскәләрҙең матурлығы – былар барыһы ла уларҙың хеҙмәте, уларҙың йәне ине.
Атайыбыҙ күп итеп мал, бал ҡорттары тотто. Ул һәр сәскәгә ҡунған бал ҡорттарын, уларҙың нисек нектар йыйғанын иҫе китеп күҙәтер ине. Ул тәбиғәткә бик һаҡсыл ҡараны, һәр йән эйәһен ҡәҙерләне. Беҙ һәр ваҡыт уның сабырлығына, оҫталығына һоҡландыҡ.
Был көндәр иҫ киткес бәхетле ине. Үкенескә ҡаршы, улар-ҙы кире ҡайтарып булмай. Әммә уларҙың хеҙмәте, яҡтылығы, изгелеге беҙҙең йөрәктәребеҙҙә мәңге һаҡланасаҡ.
Мәңге хәтеребеҙҙә яҡты йәнле әсәйебеҙ һәм атайыбыҙ!
Балалары.