Үҙ еренең патриоты ине

Һоҡланғыс кеше, Башҡортостан Республикаһының атҡаҙанған уҡытыусыһы Ғәләүетдинов Фуат Вилдан улы арабыҙҙан китте.

Ул республика мәғарифы, мәҙәниәте, журналистикаһы үҫешенә ҙур өлөш индерҙе. Уның етәкселегендә район мәктәптәренең һәм мәктәпкәсә учреждениеларының матди базаһы нығынды, педагогик кадрҙар менән тәьмин итеү буйынса саралар күрелде. Коллегалары уны белемле, тәрбиәле, яҡшы күңелле булғаны өсөн хөрмәт итте. Ул тыуған еренең патриоты булды, кешеләрҙе, ғаиләһен, ата-әсәһен яратты, үҙе артынан яҡты эҙ ҡалдырҙы. Тыуған иле һәм республика алдындағы ҡаҙаныштары өсөн тыуған ауылындағы урамдарҙың береһенә уның исемен биреү яҡшы булыр ине, шулай уҡ исеме район музейында лайыҡлы урын табыр тип уйлайым.

Яҡташтары, мәғариф ветерандары

советы исеменән Фәниә ӘСӘҘУЛЛИНА.