Герой беҙҙең йөрәктәрҙә

Легендар осоусы-штурмлаусы, авиация полковнигы, Советтар Союзы Геройы Ҡотдос Ҡәниф улы Латиповҡа 14 июлдә 95 йәш тулған булыр ине.

Тантаналы сара данлыҡлы яҡташыбыҙҙың тыуған ауылы – Яңы Мишәрҙә үтте. Унда район хакимиәте башлығының төҙөлөш, иҡтисади үҫеш һәм йәшәйеште тәьмин итеү мәсьәләләре буйынса урынбаҫары Азамат Ҡәләмов, йәштәр сәйәсәте һәм спорт бүлеге начальнигы Илнур Вәлиев, Яңы Мишәр ауыл советы ауыл биләмәһе башлығы Баймөхәмәт Ғүмәров, Яңы Мишәр урта мәктәбе директоры Зөлфиә Сәхәүетдинова, Ҡотдос Ҡәниф улының улдары Евгений, Валера һәм Салауат Латиповтар, һеңлеһе Нәсимә Кәлимуллина ҡатнашты.

Йыйылғандар Герой тураһында йылы һүҙҙәр әйтте, Яңы Мишәр мәктәбе янындағы мемориаль таҡтаға сәскәләр һалды.

Ауыл мәсетендә Ҡотдос Латипов хөрмәтенә аят уҡылды. Ауыл хал- ҡы һәм ҡунаҡтар ҡорбан һарығы итенән бешерелгән аштан ауыҙ итте.

Нәркәс ХӘЛИУЛЛИНА

әҙерләне.