Водитель танытмаһынан мәхрүм итеү тураһында законға ҡул ҡуйлды

Номерҙы билдәләргә мөмкинлек бирмәгән йәки уны үҙгәрткән ҡоролмаларҙы ҡулланған өсөн приборҙы тартып алып, бер йылдан алып йыл ярымға тиклем танытманан мәхрүм итеү ҡаралған.

Ҡабаттан номерһыҙ машинала йөрөгән, номерҙы ҡаплаған материалдар ҡулланған өсөн дә шунса ваҡытҡа водитель танытмаһы тартып алына.

Федераль закон рәсми баҫылып сыҡҡан көндән көсөнә инә.

Әлегә тиклем номерҙы ҡаплаған өсөн водителдәрҙе бер айҙан өс айға тиклем йөрөтөү хоҡуғынан мәхрүм итәләр ине.