Башҡортостан һыу һаҡлағысындағы юл-транспорт ваҡиғаһы тураһында тулыраҡ: 10 бала әсәйһеҙ ҡалды

18 апрелдә көндөҙ Ейәнсура районы Күгәрсен ауылы янында автомобиль Ямашлы һыуһаҡлағысына төшөп киткән. Рулдәге иҫерек ҡатын иҫән ҡалған, ә уның өс пассажиры йән биргән.

Башҡортостан Республикаһы буйынса Ғәҙәттән тыш хәлдәр министрлығы хәбәр итеүенсә, 1974 йылғы ҡатын иҫән-һау, 1969, 1973, 1986 йылғы пассажирҙарҙың ғүмере өҙөлгән.

Фажиғә сәбәптәре асыҡлана. Хәл Рәсәй Ғәҙәттән тыш хәлдәр министрлығының Башҡортостан буйынса баш идаралығы контролендә.

«Башинформ» агентлығына билдәле булыуынса, ун бала әсәйһеҙ ҡалған. 53 йәшлек ҡатындың – биш, 49 йәшлегенең – өс һәм 36 йәшлегенең ике балаһы. 48 йәшлек водителдең иһә өс балаһы бар.

Яҡынса мәғлүмәттәр буйынса, улар бөтәһе лә һыуһаҡлағыс янындағы кафела эшләгән.

Фото:Башҡортостан Республикаһы буйынса Ғәҙәттән тыш хәлдәр министрлығы

Источник: https://bash.bashinform.ru/news/law/2022-04-19/bash-ortostan-yu-a-la-ysynda-y-yul-transport-va-i-a-y-tura-ynda-tulyra-10-bala-s-y-e-aldy-2774943

Башҡортостан һыу һаҡлағысындағы юл-транспорт ваҡиғаһы тураһында тулыраҡ: 10 бала әсәйһеҙ ҡалды

Автор:Лариса Михалькова