Башҡортостанда пассажирҙар «ГАЗел»е менән Land Cruiser 200 бәрелешкән: биш кеше зыян күргән

Аварияла йәрәхәтләнгән биш кеше дауаханаға оҙатылған. Автоуста туғыҙ кеше булған, водитель ҡыҫылып ҡалған. Ваҡиға урынына ЮХХДИ, ашығыс ярҙам хеҙмәткәрҙәре, табиптар килгән.

«Рәсәй Ғәҙәттән тыш хәлдәр министрлығы хеҙмәткәрҙәре һәм Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары водителде автобустан сығарған, пассажирҙар ҡотҡарыусылар килеп еткәнсе үҙҙәре сыҡҡан», — тип хәбәр иттеләр Башҡортостан Республикаһы буйынса Ғәҙәттән тыш хәлдәр министрлығының матбуғат хеҙмәтендә.

Ваҡиға сәбәптәре асыҡлана.

Фото:Башҡортостан Республикаһы буйынса ЮХХДИ

Источник: https://bash.bashinform.ru/news/law/2021-12-10/bash-ortostanda-passazhir-ar-gazel-e-men-n-land-cruiser-200-b-releshk-n-bish-keshe-zyyan-k-rg-n-2614794