Өфө эргәһендәге юл фажиғәһендә өс кешенең ғүмере өҙөлдө

Республиканың Юл хәрәкәте хәүефһеҙлеге дәүләт инспекцияһының оператив мәғлүмәттәре буйынса, Өфө — Зубов — Шишмә юлында ВАЗ-2112 автомобиле «Лада Гранта» менән бәрелешкән.

«Өс кеше һәләк булған, икәүһе дауаханаға оҙатылған», — тип белдерҙеләр республиканың Дәүләт автоинспекцияһында.

Урында полиция экипаждары, ашығыс ярҙам табиптары, ҡотҡарыусылар һәм башҡа компетентлы хеҙмәттәр эшләй.

Фото: Башҡортостан Республикаһы буйынса ЮХХДИ